Væll, slagsmál og enn meiri væll

Þessir tveir leikir sem voru á dagskrá í ensku bikarkeppninni í gærkvöld voru að hluta til nokkuð áhugaverðir. Það var svosem augljóst hvaða lið myndu vinna, eða svona á pappírnum, en það er nú ekki alltaf spurt að því í FA cup. En ég ætla nú ekki að tala eitthvað um  hvernig leikirnir voru, heldur hvað gerðist í þeim. Ronaldo fékk víti, er það eitthvað nýtt svosem? Neinei, en Boro menn voru alveg brjálaðir, enda hafa þeir fengið 3 vítaspyrnur á sig í 3 leikjum gegn Man Utd á tímabilinu, og vilja meina að tvær þeirra allavega, sem Ronaldo hefur fiskað, hafi verið mjög umdeildar. Southgate, þjálfari Boro, var alveg ruglaður eftir leikinn og sagði að hver hefði ekki viljað stúta Ronaldo eins og James Morrison einmitt gerði í leiknum, en fyrir vikið fékk hann beint rautt. Þetta finnst mér nú full gróf yfirlýsing frá þjálfara liðs, án efa á hann eftir að verða kærður fyrir vikið. En hann hefur svosem alltaf verið hálfgert fífl hann aumingja Southgate. En nóg um það. Frank Lampard var næstum því kýldur kaldur í leiknum gegn Tottenham, og það ekki af leikmanni heldur af áhorfanda, en sá náði að hlaupa inn á völlinn í lok leiksins og hljóp á eftir Lampard og reyndi að ná höggi á hann, en ÞVÍ MIÐUR tókst það nú ekki hjá honum þar sem Lampard beygði sig og slapp við höggið. Það var síðan þrekþjálfari Chelsea, Rui Faria, sem náði að snúa manninn góða niður, enda er hann væntanlega í þrusuformi. Þar sem Chelsea og Man Utd sigruðu sína leiki þá mætast Chelsea og Blackburn annarsvegar og Man Utd og Watford hinsvegar í undanúrslitunum. Er það bara tilviljun að fyrsti leikurinn á nýja Wembley verði að öllum líkindum draumaúrslitaleikur? Held nú ekki...heyri ég spilling?

Smá viðbót við bloggið. Það var verið að ákveða staðina þar sem undanúrslitaleikirnir fara fram í FA Cup. Man Utd og Watford eigast við á Villa Park í Birmingham, en það var einmitt þar sem báðir undanúrslitaleikirnir, en sú viðureign fór í replay, milli Man Utd og Arsenal fóru fram þrennuárið. Enn ein tilviljunin sem samsvarar leið Man Utd að þrennunni árið 1999. Eða er þetta tilviljun?

Hinn leikurinn, Chelsea - Blackburn, fer fram á Old Trafford.  

Athugasemdir

[Guðmundur Marteinn Hannesson, 20.3.2007 kl. 16:00]

já það væri geðveikt ef Man Utd og Chelsea myndu leika til úrslita.

Ég er samt að vona að hvortugt liðið vinni bikarinn, þ.e.a.s að hvorugt liðið komist í úrslit. Hefði alveg verið til í að sjá t.d. Tottenham slá Chelsea út

[Daði Már Sigurðsson, 20.3.2007 kl. 17:31]

Watford-Blackburn væri svakalegur úrslitaleikur Gummi

[kristó (IP-tala skráð) 21.3.2007 kl. 13:54]

ég vona svo innilega að þið tapið öllum keppnum ! nothing personal only buisness